3 dic. 2012

Cestos de mexilóns e wakame


Achegase o Nadal e sempe nestas datas nos gusta sorprender con pratos novos e moi saborosos e por iso vos traigo a proposta de hoxe.

Cestos de mexilons con wakame




Ingredientes para 4 cestos:

1 lata de mexilóns con wakame en escabeche branco
4 obleas de empanadillas
1 ovo
queixo relado
pementa negra




Preparación:

Poñemos as obleas nuns moldes de silicona, os que usamos para as  magdalenas.
Batemos o ovo e misturamos co queixo relado e un pouco de pementa negra.

Dentro de cada molde poñemos un pouco das algas e un mexilón e tapamos coa mistura de queixo e ovo batido.

Metemos no forno que xa temos quente a 200º durante 10 minutos, ata que vexamos os bordes das obleas dourados.


Retiramos do forno e deixamos que refríe un pouco antes de servir.


16 nov. 2012

I Simposio en Igualdade

O sabado 24 de novembro no Grove celebrase o I Simposio en Igualdade no que vou participar e no que vos convido a asistir e vos deixo o programa

PROGRAMA : I SIMPOSIO EN IGUALDADE. Singradura en igualdade


24 de Novembro 2012
Comenzo ás 10:00 h

XORNADA MAÑÁ:

Lugar : O Grove- Concello do Grove, Praza do Corgo nº 1 , Sala Nova

9.45 Recebemento e Acreditacións

10.00 Inauguración do I Simposio en igualdade. Concello do Grove

10.15 Poñencia 1ª. “Por decisión propia, coidado do maior no contorno familiar” a cargo de Dna. Rocío Garrido Caramés.

10.30 Poñencia 2ª. “Premio nacional á muller rural emprendedora 2012, Granxa Maruxa” a cargo de Dna. Marta Álvarez

10:45 Poñencia 3ª “pandereteiro” a cargo de D. Davide Salvado

11.00 Poñencia 4ª. “Unha muller con estrela michelin” a cargo de Dna Beatriz Sotelo

11:15 Poñencia 5ª . “O mundo da coctelería” a cargo de Dna María Rey

11.30 Descanso-Café

12.oo Poñencia 6ª “Programa Radio galega , CONVIVIR” a cargo da presentadora Clara de Saa

12.15- Poñencia 7ª “1ª alcaldesa concello do Grove”, a cargo de Dna Maria Lina Bernárdez Iglesias



12.30 Turno de Preguntas

Lugar : Peirao do Grove

13:30 – Embarcamos no Catamarán “ Pelegrin”

14:00 Poñencia 9ª “Patroa de barco. Singladura en igualdade” A cardo de Dna.Paula Meis

14.15- Almorzo mariñeiro a bordo do Catamarán “Pelegrin”**

**( As persoas que desexen almorzar no catamarán terán que comunicalo no tlf 622 098 721 oun no mail actividades@asistogal.com. O almorzo terá un prezo pechado de 20€/pax)


XORNADA TARDE

Lugar : CIPES, Museo da salazón ( Punta Moreiras)

17.00 Mesa redonda sobre a igualdade no mar

- Modera mesa: Dna Diana Otero Mascato
Dna Katy Montesinos Domínguez
Collareira, Artesanía do mar : Dna. Montse Betanzos
Mariscador a Pé: D. José Otero Fernández
Redeiro: D. Pablo
Maricadora máis xoven: Dna Rosa María Campos García

18.30 Conclusións e debate.

11 nov. 2012

Raia en caldeirada


Poucos son os que din non a unha boa caldeirada de raia coa sua allada co toque de unto.

Raia en caldeirada




Ingredientes para duas persoas:

4 cachos bos de raia
4 patacas
1 anaco de unto, se non se ten unto sustituir por aceite de oliva
sal grosa e  fina
Allada: aceite de oliva, un anaco de unto ( no seu  defecto un par de dentes de allo), pementón doce

Preparación:

Limpar a raia e botarlle sal grosa unha hora antes de cociñar.
Por unha tarteira con abundante auga e botamos as patacas peladas e cortadas en anacos grosos. Engadir o unto. Deixar cocer durante 10 minutos.
Lavar a raia e engadir as patacas. Botar un pouco de sal e deixar cocer durante 10 minutos.


Preparamos a allada: para iso poñemos un bo chorro de aceite de oliva ao lume cun anaco de unto, cando o unto empece a dourarse o retiramos e engadimos o pementón doce e misturamos cun garfo para que non se queime o pementón. Deixamos repousar antes de usar para que o pementón se quede no fondo.

Empratamos: poñemos as patacas e a raia nun prato e por riba botamos a allada. Servir quente.

Bo proveito.

5 nov. 2012

Crema de cabaza


Outro dos productos típicos de outono é a cabaza e por iso hoxe toca unha receita sinxela e que para os días frescos nos deixa o corpo ben agradecido



Crema de cabaza 



Ingredientes para 4 persoas

3 allos porros
500 gr de cabaza limpa
4 ovos cocidos
6 quesiños light
unhas lonchas de xamón
caldo de verduras ou auga
sal
aceite de oliva


Preparación

Limpamos a cabaza e a picamos.
Limpamos os allos porros e os picamos.

Poñemos unha cazola ao lume  cunhas gotas de aceite de oliva e botamos os allos porros picados, deixamos refogar un pouco e engadimos a cabaza picada. Refogamos un pouco e engadimos o caldo de verduras ou a  auga ata cubrir a verdura.
Deixamos cocer uns 10 minutos, engadimos un pouco de sal a gusto. Engadimos os quesiños e trituramos todo ata obter unha crema fina.
Poñemos unha tixola ao lume sin aceite e poñemos a tostar as lonchas de xamón.


Empratamos, poñemos un pouco da crema nun prato fondo, picamos un ovo cocido por riba e poñemos unhas lonchas do xamón xa crocante.

Servir quente e bo proveito.

29 oct. 2012

Chulas de calacú



Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores: tantas veces para render contas inacabadas.
Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, oucabazos, ou calabazotes. Tradición que, grazas ás investigacións do profesor galego Lopez Loureiro, sabemos que se estende por toda a antiga xeografía céltica europea e concretamente para o caso de España, por todas as zonas con presencia do elemento céltico ben documentado. En Galiza atopámola en toda a súa xeografía, non faltando esta tradición en ningunha das súas bisbarras e aportando un folclore similar aínda que dándolles nomes diferentes: calacús polas Rías Baixas, caveirasde melón en Cedeira, calabazotes en Ortigueira, colondros en Ourense...etc.
Por eso hoxe nada mellor que facer unha receita cos calacús que seguro moitos comemos nas casas das nosas avoas e que lembraremos dunha maneira especial e os que non as comeron de cativos que non dubiden en fácelas.


Chulas de calacú





Ingredientes:

1/2 kg calacú ou cabaza
250 grs. de fariña de trigo
3 culleres sopeiras de azucre(colmadas)
1/2 sobre de levadura
2 ovos
125 ml de leite
1/2 copa de anís.


Preparación:


Por o calacú cun pouco de sal a cocer durante 10 minutos aprox.

Bater o calacú xa cocido e engadir o leito e os ovos, bater ben ir engadindo o azucre e o anís.
Engadir a fariña ata que quede unha crema consistente pero sin estar espesa, como o amoado das filloas.

Nunha tixola por abundante aceite de oliva ao lume e botar unhas mondas de limón ou laranxa para que lle saque o sabor ao aceite.  Cando as mondas estén torradas retiralas. 

Cun cazo ir botando pequenos montóns do amoado na tixola. Fritir polos dous lados e cando estén sacar a un prato cun paple absorvente para eliminar o exceso de aceite.

Por nunha fonte e botar por riba un pouco de azucre moido ou azucre con vainilla ou canela, ao gusto de cada un. 

Listas para comer.

28 oct. 2012

Xurelitos en escabeche


Facía anos que non comía os xurelitos así, pois quen soia facelos era a miña avoa pois gustabanlle comer o peixe frito frío en cambio a min gustame comelos quentes, recén feitos. Pero sendo unha receita tradicional en moitas casas galegas e sobretodo na miña familia merece un oco neste espacio.


Xurelitos en escabeche




Ingredientes:

Xurelitos pequenos ( 1 kg)
aceite de oliva
allos ( 6 - 8 dentes)
pementón doce ( 1 culler rasa )
vinagre ( 1 chorro, a cuarta parte dun vaso)
sal grosa



Preparación:

Botamos sal grosa aos xurelitos uns minutos antes de fritilos.

Quentamos aceite de oliva nunha tixola e  fritimos os xurelitos por ambos lados. Sacamos a un prato e no mesmo aceite de fritir os xurelitos ( sempre e cuando non o teñamos queimado, senón botamos aceite de oliva limpo) botamos os allos picados e deixamos que se douren un pouco, engadimos o pementón doce e o vinagre, deixamos ao lume un minuto e botamos este prebe por riba dos xurelitos.
Deixamos repousar os xurelitos no escabeche ao menos 6 horas.


Pasado este tempo xa están listos para servir e comer.

15 oct. 2012

Pizza en rolo


Outra maneira de comer pizza, en forma de rolo, e en anacos pequenos, e que sorprenderán a calquer invitado e mesmo nos sirven como aperitivo en calquera acontecemento.

Pizza en rolo




Ingredientes:
masa follada
salsa de tomate (espesa)
lonchas de queixo mozzarella
lonchas de panceta afumada
cogumelos laminados
ourego
opcional: semillas de amapola

Preparación:
Quentamos o forno a 180º.
Estiramos a masa de follado e vamos  poñendo os ingredientes por esta orde:
un pouco de salsa de tomate,
enriba unhas lonchas de queixo,
logo unhas lonchas de panceta afumada,
espolvoreamos con ourego
e por enriba os cogumelos laminados.

Vamos enrolando dende a parte rechea ata o final, procurando que nos quede o mais apretado posible. E así formamos un rolo.
Vamos cortando toros de 1cm mais ou menos dese rolo e os poñemos enriba dun papel de forno   nunha praca de forno.
 Opcional: Espolvoreamos por riba semillas de amapola.
Metemos ao forno durante 20 minutos, ata que vexamos que a masa follada estea  dourado.

Retiramos do forno e deixamos arrefriar  e listo para xantar.

8 oct. 2012

Cazola de polbo, gambas e gulas


É raro que cando se cociña polbo sobre pero coa receita de hoxe tanto podemos aproveitar o polbo que nos sobre ou cocer un polbo a propósito para esta receita.

Cazola de polbo, gambas e gulas





Ingredientes:

Polbo cocido
gambas peladas
gulas
allo
guindilla
pementa negra
aceite de oliva

Preparación:

Nunha cazola de barro poñemos un pouco de aceite de oliva e botamos dous dentes de allo por persoa moi picados, cando empece a dourarse engadimos as gambas peladas, as gulas e uns anacos de guindilla ao gusto. Deixamos fritir ben.

Engadimos o polbo cortado en anacos e deixamos que o polbo se quente.

Retiramos do fogo e antes de servir quente moemos un pouco de pementa negra por riba.

Bo proveito

1 oct. 2012

Mexilóns ao azafrán


A proposta de hoxe ten como ingrediente principal un dos moluscos máis apreciados por os galegos: os mexilóns, cultivados na ria de Arousa.

Os mexilóns son unha boa fonte de ferro e calcio entre outros minerais ademáis de non ter casi graxa por iso deben estar presentes na nosa dieta, ademáis o seu prezo é moi económico.



Mexilóns ao azafrán





Ingredientes para 4 persoas:
2 kg de mexilóns
1 vaso de viño branco albariño
1 cebola pequena
1 dente de allo
uns fios de azafrán
1 noz de manteiga ( 25 gr aprox)
2 xemas de ovo
1 vaso de tona
1 vaso de leite
1 culler de maicena
pementón
perexil picado e ourego
sal

Preparación:

Limpiamos os mexilóns  e os poñemos nunha cazola ao fogo con medio vaso de viño. Tapamos e deixamos que se abran sobre uns 9 -7 minutos. Cando están cocidos os retiramos e os sacamos escurrindo e reservamos a auga que deixaron na cocción. Poñemos os mexilóns cunha das cunchas nunha fonte.

Preparamos o prebe: nun cazo poñemos a manteiga, a cebola picada e o allo picado. Deixamos que a cebola se cociñe e cando este transparente engadimos a auga da cocción dos mexilóns e os fíos de azafrán. Deixamos reducir 2 minutos e engadimos o vaso de tona e o vaso de leite.
Deixamos cociñar uns 5 minutos e engadimos a maicena disolta no medio vaso de viño branco albariño, sin parar de  remover, deixamos que o prebe vaia espesando ao noso gusto.
Retiramos do fogo e engadimos as xemas batidas, misturamos ben e probamos de sal e correximos si fose necesario.


Emplatamos: temos os mexilóns cunha das cunchas na fonte e por riba botamos o prebe de azafrán. Esparcimos un pouco de perexil picado, ourégo e un pouco de pementón por riba.
Listos para servir.

15 sept. 2012

Biscoito integral de plátano


Tiña polo froiteiro dous plátanos a punto de pasar a mellor vida e nada mellor que misturalos cun pouco de fariña integral para obter un desaiuno completo.

Biscoito integral de plátano 





Ingredientes:

250 gr de fariña integral
3 ovos
2 plátanos maduros
150 gr de queixo batido 0% ou Iogur natural
100 gr de fructosa ou o dobre de azucre
1/2 vaso de aceite de oliva
1 sobre de levadurina


Preparación:

Batemos os ovos coa fructosa. Engadimos a continuación o queixo batido cos plátanos e batemos todo ben. Engadimos o aceite e por último engadimos a fariña integral e a levadurina que temos tamizadas.

Engraxamos un molde e vertemos a mistura.
Prendemos o forno a 180º e deixamos que se quente.
Metemos o biscoito no forno e deixamos cocer durante 30 minutos. Pinchamos para ver si esta cocido senón deixamos 5 minutos mais.
Retiramos e deixamos que morne un pouco.
Desmoldamos e deixamos arrefriar sobre unha reixa.

Servimos frío

7 sept. 2012

Palmeiras de froitas

Estamos en setembro e entre a volta ao colexio, empezar de novo coa rutina non quedan moitas gañas de meterse na cociña  e por iso a opción de hoxe e un doce rápido e sinxelo.

Ademáis podemos variar as froitas e usar as que temos de tempada resultando así un postre barato e con moitos sabores diferentes.

Palmeiras de froitas



Ingredientes:

Masa de follado
kiwi
pera
azucre moreno

Preparación:
Estiramos a masa de follado e poñemos enriba dunha metade unha fila de anacos de kiwi e na outra metade outra fila de anacos de pera.
Espolvoreamos un poco de azucre moreno por riba.

Enrolamos as metades ata chegar a mitade, e así cos dous lados,  igual que facemos as palmeiras.
Cortamos en toros e poñemos  e sobre un pape de forno.

Encendemos o forno a 180 º

Metemos no forno as palmeiras de foitas, aprox. 15- 20 minutos, ata que o follado este dourado.
Sacamos do forno, espolvoreamos un pouco de azucre moreno por riba e deixamos arrefriar.

Listas para servir.

28 ago. 2012

Ensalada de pementos asados con alquicres


Unha das conservas típicas de Galicia e que non falta na miña casa son os alquicres ou pataghillóns, pero tamén coñecidas como agullas.

O seu sabor é único e moi diferente o das sardiñas.

Ensalada de pementos con alquicres




Versión tapa

Ingredientes:

Pementos vermellos asados
alquicres en conserva de aceite de oliva
espárragos grosos
ourego seco
pementa negra
sal
aceite de oliva
vinagre de manzá
opcional: cebola
Para a tapa: galletas mariñeiras ou tosta de pan

Preparación:

Aliñar os pementos vermellos asados con sal, aceite de oliva e vinagre de manzá.
Colocar os pementos nunha fonte e por enriba cebola picada si vos gusta, os espárragos brancos e os alquicres
Espolvorear un pouco de ourego seco e moer pementa negra por riba e listo para comer.

Opcional: podese por unhas gotas de vinagre balsámico.


Para a versión tapa:
Envolver un alquicre nunha tira de pemento vermello asado, por enriba dunha galleta mariñeira  por o lado un esparrágo. Salpementar e espolvorear cun poco de ourego seco.
Listo para comer.

Related Posts Plugin for WordPress, Blogger...