30/7/2014

Xoubas fritas en fariña de millo

Un dos peixes que máis se comen na miña casa son as xoubas e na receita de hoxe usamos outro ingrediente moi noso: a fariña de millo, que lle da un toque crocante as xoubas.

Xoubas fritas en fariña de millo




Ingredientes:

xoubas
fariña de millo
sal
aceite de oliva.




Preparación:

Lavar as xoubas e secalas cun trapo ou papel. 
Botarlles un pouco de sal.
Rebozar as xoubas en fariña de millo.
Por a quentar  nunha tixola o aceite de oliva e cando este quente vamos engadindo as xoubas  e fritimos por ambos lados.

Retiramos a un prato cun papel absorbente.
Poñemos nun prato ou fonte e servimos quente.


Bo proveito

2/7/2014

Ameixas a tixola

Reanudo esta web coas receitas máis saborosas e sempre cunha mirada a nosa terra, a Galicia, aos seus produtos e sobretodo aos seus sabores. Poir iso nada mellor que comenzar por unha receita mariñeira.




Ameixas a tixola


Ingredientes:
1 kg de ameixa babosa
4 dentes de allo
1 guindilla
1/2 vaso de albariño
aceite de oliva
perexil

Preparación:

Poñemos unha tixola, mellor unha vella, ao lume  cun chisco de aceite de oliva e os dentes de allo ben picados. Cando o allo empece a saltar engadimos a guindilla e as ameixas. Tapamos para que as ameixas se abran ao vapor.
Pasados 2 - 3 minutos destapamos e engadimos o albariño e un pouco de perexil picado.
Tapamos e  deixamos un minuto máis para que se evapore o alcol e as ameixas  acaben de abrirse.
Servir quente.



21/1/2014

Cocido: entrevista

Se que hai tempo que teño este apartado un pouco esquecido pero por fín volvo ter as gañas e as ilusión para retomar este proxecto e para iso vos deixo unha entrevista que me fixeron as rapazas da facultade de periodismo de Santiago




 Para saber máis entrade en http://facultadecomunicacion.org/postcocido/?page_id=72

2/1/2013

Cociñando coas razas autóctonas

Para todos aquiles que me peguntades onde mercar o libro vos deixo o seguinte enlace cos puntos de venda, so tendes que premer na imaxe para ir directamente ao listado



Tamén podedes escribirme a lacocinademiabuelo@gmail.com e xa vos informo como conseguilo.

Moitas grazas a todos por apoiar este libro e as nosas razas autóctonas para que non volvan estar en perigo de extinción.

3/12/2012

Cestos de mexilóns e wakame


Achegase o Nadal e sempe nestas datas nos gusta sorprender con pratos novos e moi saborosos e por iso vos traigo a proposta de hoxe.

Cestos de mexilons con wakame




Ingredientes para 4 cestos:

1 lata de mexilóns con wakame en escabeche branco
4 obleas de empanadillas
1 ovo
queixo relado
pementa negra




Preparación:

Poñemos as obleas nuns moldes de silicona, os que usamos para as  magdalenas.
Batemos o ovo e misturamos co queixo relado e un pouco de pementa negra.

Dentro de cada molde poñemos un pouco das algas e un mexilón e tapamos coa mistura de queixo e ovo batido.

Metemos no forno que xa temos quente a 200º durante 10 minutos, ata que vexamos os bordes das obleas dourados.


Retiramos do forno e deixamos que refríe un pouco antes de servir.


16/11/2012

I Simposio en Igualdade

O sabado 24 de novembro no Grove celebrase o I Simposio en Igualdade no que vou participar e no que vos convido a asistir e vos deixo o programa

PROGRAMA : I SIMPOSIO EN IGUALDADE. Singradura en igualdade


24 de Novembro 2012
Comenzo ás 10:00 h

XORNADA MAÑÁ:

Lugar : O Grove- Concello do Grove, Praza do Corgo nº 1 , Sala Nova

9.45 Recebemento e Acreditacións

10.00 Inauguración do I Simposio en igualdade. Concello do Grove

10.15 Poñencia 1ª. “Por decisión propia, coidado do maior no contorno familiar” a cargo de Dna. Rocío Garrido Caramés.

10.30 Poñencia 2ª. “Premio nacional á muller rural emprendedora 2012, Granxa Maruxa” a cargo de Dna. Marta Álvarez

10:45 Poñencia 3ª “pandereteiro” a cargo de D. Davide Salvado

11.00 Poñencia 4ª. “Unha muller con estrela michelin” a cargo de Dna Beatriz Sotelo

11:15 Poñencia 5ª . “O mundo da coctelería” a cargo de Dna María Rey

11.30 Descanso-Café

12.oo Poñencia 6ª “Programa Radio galega , CONVIVIR” a cargo da presentadora Clara de Saa

12.15- Poñencia 7ª “1ª alcaldesa concello do Grove”, a cargo de Dna Maria Lina Bernárdez Iglesias



12.30 Turno de Preguntas

Lugar : Peirao do Grove

13:30 – Embarcamos no Catamarán “ Pelegrin”

14:00 Poñencia 9ª “Patroa de barco. Singladura en igualdade” A cardo de Dna.Paula Meis

14.15- Almorzo mariñeiro a bordo do Catamarán “Pelegrin”**

**( As persoas que desexen almorzar no catamarán terán que comunicalo no tlf 622 098 721 oun no mail actividades@asistogal.com. O almorzo terá un prezo pechado de 20€/pax)


XORNADA TARDE

Lugar : CIPES, Museo da salazón ( Punta Moreiras)

17.00 Mesa redonda sobre a igualdade no mar

- Modera mesa: Dna Diana Otero Mascato
Dna Katy Montesinos Domínguez
Collareira, Artesanía do mar : Dna. Montse Betanzos
Mariscador a Pé: D. José Otero Fernández
Redeiro: D. Pablo
Maricadora máis xoven: Dna Rosa María Campos García

18.30 Conclusións e debate.

11/11/2012

Raia en caldeirada


Poucos son os que din non a unha boa caldeirada de raia coa sua allada co toque de unto.

Raia en caldeirada




Ingredientes para duas persoas:

4 cachos bos de raia
4 patacas
1 anaco de unto, se non se ten unto sustituir por aceite de oliva
sal grosa e  fina
Allada: aceite de oliva, un anaco de unto ( no seu  defecto un par de dentes de allo), pementón doce

Preparación:

Limpar a raia e botarlle sal grosa unha hora antes de cociñar.
Por unha tarteira con abundante auga e botamos as patacas peladas e cortadas en anacos grosos. Engadir o unto. Deixar cocer durante 10 minutos.
Lavar a raia e engadir as patacas. Botar un pouco de sal e deixar cocer durante 10 minutos.


Preparamos a allada: para iso poñemos un bo chorro de aceite de oliva ao lume cun anaco de unto, cando o unto empece a dourarse o retiramos e engadimos o pementón doce e misturamos cun garfo para que non se queime o pementón. Deixamos repousar antes de usar para que o pementón se quede no fondo.

Empratamos: poñemos as patacas e a raia nun prato e por riba botamos a allada. Servir quente.

Bo proveito.
Related Posts Plugin for WordPress, Blogger...