29 ene. 2017

Mapa doce de Galicia: Torta de Requeixo de As Neves

Quero empezar por esta Torta de Requeixo de As Neves porque as tortas de queixo son a miña debilidade e porque o ano pasado compartín momentos coas mulleres da parroquia de Cerdeira onde inda se elabora o requeixo artesanalmente e me contaron todos os seus segredos.

Neste concello da provincia de Pontevedra non so podemos gozar desta torta senón antes podemos tomarnos un bo prato de Lamprea e acompañala dos viños Rías Baixas que se elaboran neste concello.

O requeixo soiase tomar con mel e incluso con mel e noces, e nalgunhas casas tamén o metían no viño tinto e lle engadían un pouco de azucre.


Vamos quentar o forno para facer unha torta de requeixo.

Mapa Doce de Galicia: Bica Blanca de Laza



Hoxe vamos coa Bica Branca de Laza, unha bica que non deixará indiferente a ninguén. Resulta unha bica moi esponxosa e que aguanta perfectamente uns cantos días fresca, sempre e cando na casa sexades capaces de aguantar a tentación de meterlle o dento así como sae do forno.

Laza pertence a Ourense está localizada en pleno triángulo do entroido galego, na comarca de Verín. Sen dúbida unha bica especial que por suposto ten o seu sitio en #melnasfilloas.

A Bica Branca fai-se con fariña, nata de vaca, azucre e clara do ovo, non leva xema, de aí a súa cor branca que a diferencia do resto das bicas galegas, xeralmente comese durante o entroido. E para acompañar a bica nada mellor que un pouco de Xastré, un licor verde que se fai con augardente, azucre e 8 tipos diferentes de herbas. Elaborase mediante a maceración desas herbas en augardente durante uns 20 días. 



    A que apetece un anaco.

    12 ene. 2017

    Mapa Doce de Galicia e Mel nas filloas

    Dende finais de outubro esta a venda Mel nas Filloas, o meu segundo libro. Mel nas filloas é unha viaxe pola cociña clásica da repostería galega, neste libro atopámonos con 60 doces de sempre cunha nova ollada a tradición, dende bicas, tortas, cocadas, torradas, roscas, dende as chulas de calacú ata a tortilla romana de Muros, pasando pola Poufeira de Ponteareas ata as faragullas da Pontenova,…. Unha viaxe que percorre moitas vilas galegas. Un traballo de recuperación de moitos doces que co paso do tempo foron quedando moitos deles esquecidos ou xa so se fan en moi poucos fogares galegos. Un libro que aposta polos doces galegos e pola súa continuidade nas nosas sobremesas. 
    Este libro está editado por Editorial Galaxia e o prólogo esta escrito por D. José González Solla





    Por iso vou crear un mapa doce de Galicia, vamos contar unha receita .......... un doce .......... un pobo......... un sabor. Vamos ir pouco a pouco facendo un mapa no que se reflexe esa larpeirada que moitas veces asociamos a nos infancia. Cada semana iremos poñendo un doce no mapa.


    Pero tamén vos quero animar a que me fagades chegar esos doces dos vosos pobos, xa teño unha serie deles recuperados e vamos a continuar nesta senda.


    11 ene. 2017

    Receita: Mexillóns a mariñeira

    Vamos cunha receita salgada para comenzar o ano:




    Mexillóns a mariñeira



    Ingredientes
    1 Kg de mexillóns galegos
    1 cebola., 
    2 dentes de allo., 
    1 tomate., 
    3 culleradas de prebe de tomate., 
    Perexil picado., 
    1 vaso de viño branco Albariño Rías Baixas
    1/2 culler de pementón doce.

    Preparación:

    Abrimos os mexillóns ao vapor e reservamos os mexillóns abertos e a auga que deixaron na tarteira. Logo picamos a cebola, o tomate e os allos ben picados. Nunha tixola engadimos un pouco  de aceite de oliva.
    Engadimos a cebola e o  allo e o cociñamos a fogo lento. Cando esté dourada a cebola engadimos o tomate picado e deixamos que se cociñe uns 2-3 minutos.
    Logo engadimos o vaso do viño branco, o prebe de tomate e o perexil picado, 2 vasos de auga el perejil picado, 2 vasos de auga da cocción dos mexillóns e o pementon doce. 
    Removemos todo ben e repartimos os mejillones por toda a tixola. Poñemoslle a tapa e deixamos que se cocié a fogo lento uns 2-3 minutos para que os mexillóns collan o sabor do prebe. 


    Servimos quentes ou mornos, como máis nos gusten. Bo proveito

    18 oct. 2016

    Doce: biscoito de vainilla

    Volvemos cunha receita doce e que mellor que un biscoito para mollar no café.

    Biscoito de vainilla



    Ingredientes

    8 ovos
    300 gr de azucre
    350 gr de fariña de trigo
    1 vaso de leite
    vainilla
    reladura de 1 limón
    10 gr de levadurina
    unha migalla de sal

    Preparación:

    Separar as xemas das claras. E bater as claras a punto de neve e cando estén engadir a metade do azucre e bater moi ben ata ter case un merengue firme. Reservar.
    Por outro lado bater as xemas co resto do azucre ata ter unha mistura case blanca e ir engadindo o resto de ingredientes, a reladura do limón, a vainilla ao gusto, o vaso de leite, a pizca de sal e a fariña coa levadurina tamizada. Bater todo ben.
    Misturar con coidado coas claras que temos a punto de neve reservar, temos que procurar que non se baixen as claras.

    Botamos esta mistura nun molde que xa temos enfariñado e metemos no forno xa quente a 180º durante uns 35- 40 min, dependendo o forno. Pinchamos cun pauciño fino e si sae limpo sacamos do forno senón deixar uns 5 minutos máis.



    Deixar arrefríar e listo para comer. Bo proveito. 

    29 sept. 2016

    Receita: Cabeza de pescada do pincho ao forno con lagostinos

    Logo dunha tempada sen actualizar esta páxina volvo a poñerme a escribir, a volver a escribir esas receitas que vou facendo na casa e a descubriros eses productos da nosa terra que tantas alegrías me dan na cociña. Empezamos cun básico na miña casa, o peixe.



    Cabeza de pescada do pincho ao forno con lagostinos 


    Ingredientes para 2 personas:
    1 boa cabeza de pescada
    8-10 lagostinos
    2 patacas medianas
    1 cebola
    2 dentes de allo
    1/2 pemento vermello
    1/2 pemento verde
    fumet de peixe
    1/2 vaso de viño branco albariño
    sal
    pementa
    azafrán en fíos
    aceite de oliva
    perexil.

    Preparación:

    Limpar ben a cabeza da pescada e botarlle un pouco de sal. Quentar o forno. 

    Nunha fonte de forno por un pouco de aceite de oliva e engadir os dentes de allos picados e a cebola cortada en tiras finas. Deixar que se dore un pouco e engadir os pementos cortados en tiras.
    Deixar que se cociñen un par de minutos e engadir as patacas cortadas en rodaxas finas e deixar que se fritan un pouco. ( esto vainos axudar a ter menos tempo o peixe no forno e que non se nos pase).
    Colocamos a cabeza da pescada enriba das patacas e engadimos o albariño e o caldo de peixe que cubra ata a metade do peixe. Moer un pouco de pementa por riba e engadir sal ao gusto. Engadir os fíos de azafrán onde haixa caldo de peixe e colocar o redor da cabeza os lagostinos.



    Meter ao forno a 180º durante uns 15 minutos. A metade de cocción abrir o forno e cunha culler coller prebe da fonte e mollar ben a cabeza da pescada.

    Retirar do forno e espolvorear un pouco de perexil picado por riba e servir quente.



    Bo proveito.

    20 ago. 2015

    Receita: navallas ou longeirons en mollo verde

    Déspois dun longo parón voltamos coas receitas con  produtos da nosa terra. Nesta ocasión cuns longueirons de Fisterra


    Longueiróns ou navallas en mollo verde




    Ingredientes:



    Longueirón de Fisterra
    Allo
    Cebola
    Perexil
    aceite de oliva
    sal

    Preparación:

    Pochamos a cebola ben picada nun pouco de aceite de oliva e cando este ben pochada engadimos un dente de allo e perexil picado. Trituramos todo ben e reservamos.

    Poñemos a quentar unha tixola e poñemos unhas gotas de aceite de oliva. Cando este ben quente poñemos os longueirons e  tan pronto abran engadimoslle o mollo verde por riba e  deixamos  un par de minutos para que os longueirons absorban un pouco do prebe.

    Servimos ben quente.


    Leer más aquí: http://www.cocinademiabuelo.com/2015/06/receta-longueiron-con-salsa-verde.html
    © La Cocina de mi Abuelo
    Related Posts Plugin for WordPress, Blogger...